Sürücü mübahisə etdiyi sərnişini bıçaqlayıb – FOTO

Hadisə İstanbulda baş verib. Metrobus sürücüsü, ona kondisionerlərin açıq olub-olmadığını soruşan sərnişini bıçaqlayıb. Avtosfer.az Türkiyə mətbuatına istinadən xəbər verir ki, Söğütlüçeşme-Avcılara sərnişin daşıyan metrobus sürücüsü ilə kondisionerlərin açıq olub olmadığını soruşan sərnişin arasında mübahisə yaranıb.

Zincirlikuyu metrobus dayanacağında səhər saatlarında meydana gələn hadisədə, sürücü yanında olan bıçaqla Cem Çalışqanı qolundan bıçaqlayıb. Sərnişinlərin sərt reaksiyası ilə üzləşən metrobus sürücüsü sərnişinləri dayanacaqda düşürərək hadisə yerindən uzaqlaşıb.

Vətəndaşların çağrışı ilə hadisə yerinə gələn təcili tibbi yardım briqadası yaralı sərnişini xəstəxanaya aparıblar.

Namiq