Sürücü öz kəndlisini vurub öldürdü - Cəlilabadda

Bu gün axşam saatlarında Cəlilabad rayonunda piyadanın ölümü ilə nəticələnən yol qəzası baş verib. Hadisə rayonun Alar kəndi ərazisində qeydə alınıb. Ölən piyadanın və onu vuran sürücünün şəxsiyyəti məlum olub. Rayonun Günəşli kənd sakini Habil Əliyev idarə etdiyi “VAZ-2107” markalı avtomobillə Alardan Günəşli kəndinə doğru hərəkətdə olarkən yolda gedən piyadanı vuraraq öldürüb. Məlum olub ki, bu sürücünün həmkəndlisi Həsənxan İsmayılovdur.

Faktla bağlı araşdırma aparılır.