Sürücü piyadanı vurub qaçmaq istəyərkən saxlanıldı - Mərdəkanda

Bakının Xəzər rayonunda piyada vurulma hadisəsi qeydə alınıb. Avtosfer.az-ın "Report"a istinadən xəbər verir ki, Mərdəkan qəsəbəsində dənizkənarı yolda 1968-ci il təvəllüdlü Babaxanova Sevinc Fazil qızını minik avtomobili vuraraq ərazidən uzaqlaşıb. Xəsarət alan qadın yaxınlarının köməkliyi ilə xəstəxanaya yerləşdirilib.

Xəzər Rayon Polis İdarəsi əməkdaşları tərəfindən sürücü saxlanılıb. Araşdırma aparılır.