Sürücü sükan arxasında öldü

Sürücü maşını idarə edərkən ürək tutmasından ölüb. Avtosfer.az xəbər verir ki, bu barədə Daxili İşlər Nazirliyindən verilən məlumata görə, hadisə Şəmkir rayonunda baş verib. Yanvarın 27-də rayonunun Seyfəli kəndində avtomobillərin hərəkət istiqamətinin əksi istiqamətində yolun kənarında dayanmış “İveco” markalı yük avtomobili aşkar edilib. Polis əməkdaşları tərəfindən avtomobilə baxış zamanı sürücü, Türkiyə vətəndaşı Semiz Kademin meyiti tapılıb. İlkin məlumata əsasən infarktdan ölüb. 

Araşdırmalar aparılır.