Sürücü vurduğu piyadanın xahişinə məhəl qoymayaraq qaçıb - Bakıda

Bakının Suraxanı rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, 57 yaşlı Aslanov Abbasqulu Yusif oğlu Ramana qəsəbəsində yüksək sürətli magistral yolu keçmək istəyərkən onu sürücüsü hələlik naməlum olan minik avtomobili vurub. Qəzanı törədən sürücü piyadanın xəsarət aldığını görərək hadisə yerini tərk edib. Yaralı ətrafdakıların köməkliyi ilə xəstəxanaya aparılıb. Zərərçəkmişin sözlərinə görə, o, qəza baş verəndən sonra sürücüdən xəstəxanaya çatdırılmasını istəsə də, kişi ona məhəl qoymayıb. Suraxanı Rayon Polis İdarəsinin əməkdaşları hadisəni törədən sürücünün tutularaq istintaqa təhvil verilməsi istiqamətində axtarış aparır.