Sürücülük vəsiqəsi olmayan sərxoş qadın “Tofaş”la qəza törətdi – 1800 manat cərimə - VİDEO

Sürücülük vəsiqəsi olmadan və içkili vəziyyətdə avtomobil idarə edərək qəza törədən qadın saxlanılıb. Avtosfer.az xəbər verir ki, hadisə Türkiyənin Ədirnə şəhərində baş verib.

Məlumata görə, qadın sürücü idarə etdiyi 22-DS-659 nömrə nişanlı “Fiat Tofaş” markalı avtomobillə hərəkətdə olan zaman piyada keçidinin yaxınlığında sükan idarəetməsini itirərək səkinin beton baryerlərə çırpılıb. Zərbənin təsirindən avtomobil səkinin dəmir arakəsmələrini sındıraraq yolun əks istiqamətinə keçərək dayanıb.

Bundan əlavə, həmin anda piyada keçidindən keçən bir şəxs avtomobilin üzərinə gəldiyini görüb və müvazinətini itirərək yerə yıxılıb. Qəza nəticəsində xəsarət alan olmasa da, avtomobilə ziyan dəyib. 

Polis əməkdaşları tərəfindən alkoqol testindən keçirilən sürücünün 3,85 promil sərxoş olduğu və avtomobili sürücülük vəsiqəsi olmadan idarə etdiyi müəyyən edilib. Qadın ümumilikdə 1800 manat məbləğində cərimələnib.

O, ifadə vermək üçün polis bölməsinə, avtomobili isə cərimə meydançasına aparılıb.

Qəza ilə bağlı araşdırma aparılır.

Namiq Musayev