Sürücünün qəfil zolaq dəyişdirmə manevrləri qəza ilə nəticələndi: 4 ölü, 10 yaralı - FOTO

ABŞ-nin Texas ştatında mikroavtobusun iştirakı ilə baş verən qəzada 4 nəfər ölüb, 10 nəfər yaralanıb.

Avtosfer.az xarici KİV-ə istinadən xəbər verir ki, hadisə Elmond şəhərində qeydə alınıb.

Məlumata görə, hərəkətdə olan mikroavtobus, sürücünün qəfil zolaq dəyişdirmə manevrləri etməsi nəticəsində magistral yoldan çıxıb və bir neçə dəfə çevrilərək aşıb.

Qəzada sürücü də daxil olmaqla 3 nəfər hadisə yerində, daha biri isə xəstəxanada ölüb.

Zərərçəkənlər xəstəxanaya yerləşdirilib, onlardan ikisinin vəziyyəti ağırdır.

Polis hadisədə həyatını itirənlərin şəxsiyyətini müəyyənləşdirmək üçün araşdırma aparır.

Namiq Musayev