Taksi maneəyə çırpıldı: sürücü ağır xəsarət alıb - Gəncədə

Gəncədə 1 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, Gəncə şəhər sakini, taksi fəaliyyəti ilə məşğul olan 1988-ci il təvəllüdlü Əliyev Elçin Füzuli oğlunun idarə etdiyi "VAZ-2107" markalı avtomobil idarəetmədən çıxaraq yol kənarındakı maneəyə çırpılıb. Nəticədə sürücü ağır xəsarət alaraq xəstəxanaya yerləşdirilib. Həkimlər tərəfindən əməliyyata olunan yaralının vəziyyəti ağırdır. Fakrla bağlı araşdırma aparılır.