Taksi yaşlı qadını vuraraq ağır xəsarət yetirdi - Bakıda

Bakının Yasamal rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın “Report”a istinadən xəbərinə görə, Tbilisi prospektində taksi fəaliyyəti ilə məşğul olan “Mercedes” markalı minik avtomobili yolu keçmək istəyən 1962-ci il təvəllüdlü Əsgərova Solmaz Orucəli qızını vurub. Nəticədə qadın açıq sınıq xəsarətləri və kəllə-beyin travması alıb. O, xəstəxananın Reanimasiya şöbəsinə yerləşdirilib.

Hadisəni törədən sürücü saxlanılıb. Faktla bağlı araşdırma aparılır.