Taksiçilərin başına iş gəldi - VİDEO

2011-ci ildə dəhşətli zəlzələ və sunami ilə sarsılan Yaponiyada  baş verən paranormal hadisələr ölkədə  əsas müzakirə obyektinə çevrilib. Avtosfer.az atv.az-a istinadən xəbər verir ki, minlərlə insanın öldüyü sahilyanı ərazilərdə ruhların peyda olduğu deyilirdi, bu dəfə isə taksi sürücüləri üzləşdikləri dəhşətli hadisə ilə bağlı danışıb. Bir neçə sürücünün avtomobilində ruh sərnişinlərin peyda olması əlaqədar qurumları da hərəkətə keçirib.

Sürücülərdən birinin ifadəsinə görə,  palto geymiş bir qadın onun avtomobilinə əyləşib və Mianmiama stansiyasına sürməyi xahiş edib.  Sürücü sərnişinin dediyi yerə çatanda orda xarabalıqdan başqa heç nə olmadığını görüb. Bu vaxt  qadının “mən ölmüşəm?” sualını eşidəndə dərhal arxaya baxıb. Oturacaqların boş olduğuna şahid olub.

Başqa bir sürücünün avtomobilinə isə 20 yaşlarında olan bir gənc minib.  Maşın ünvana çatar-çatmaz sərnişin qəfildən yoxa çıxıb. Sürücülərin ajiotaj yaratdığını, yalan dediyini düşünən psixoloqlar onlar üzərində araşdırma aparıb.  Ruhla qarşılaşdığını deyən 7 sürücünün heç birinin yalan demədiyi üzə çıxıb.

Rəsmi statistikaya əsasən 11 mart zəlzələsində  15 mindən çox insan həlak olub. 40 metr hündürlüyə çatan adalğaların  sahildən sonrakı 10 kilometrədək məsafəni  yuyub aparmasından sonra, indiyədək  itkin düşən minlərlə insandan xəbər tutmaq mümkün olmayıb.