Tanınmış deputat və iş adamı ağır yol qəzasında öldü – FOTO

Rusiyada Voronej Vilayət Dumasının deputatı, “Ostrogozhsksadpitomnik” müəssisəsinin baş direktoru Yevgeni Qaponenko qəza nəticəsində dünyasını dəyişib.

Avtosfer.az yerli KİV-ə istinadən xəbər verir ki, onun 39 yaşı olub.

Məlumata görə, oktyabrın 12-də səhər saatlarında deputat “Toyota” markalı avtomobillə hərəkətdə olarkən yük maşını ilə toqquşub.

Qəza nəticəsində o, hadisə yerində dünyasını dəyişib. Onun sərnişini xəstəxanaya yerləşdirilib, yük maşınının sürücüsü xəsarət almayıb.

Voronej vilayətinin qubernatoru Aleksandr Qusev rəsmi Teleqram kanalında Qaponenkonun ailəsinə və dostlarına başsağlığı verib, onu Rusiyanın ən yaxşı bağçılıq təsərrüfatlarından birinin rəhbəri adlandırıb.

Namiq Musayev