Tanınmış məşqçi qəzadan sonra xəstəxanaya yerləşdirilib - FOTO
Qəzalar
10 Yanvar 2018 11:41
Oxunub 764
Andre Villaş-Boaşın avtomobili qumda qalıb
Tanınmış futbol məşqçisi Andre Villaş-Boaş iştirak etdiyi "Dakar” rallisində qəzaya düşüb. Avtosfer.az "Report"a istinadən xəbər verir ki, "Overdrayv” komandasının üzvü olan 41 yaşlı portuqaliyalı mütəxəssis ralli-marafonunun IV mərhələsində xoşagəlməz halla üzləşib. Onun idarə etdiyi “Toyota” təyin edilmiş məsafənin 165 metrliyində qumda qalıb. Avtomobil və ekipaj üzvləri helikopterin köməyi ilə evakuasiya olunublar.
Villaş-Boaş kürək nahiyəsində ağrılar olduğu üçün xəstəxanaya yerləşirilsə də, həyatı üçün təhlükə yoxdur.
Qeyd edək ki, Andre Villaş-Boaş karyerası ərzində Portuqaliyanın "Portu", Rusiyanın "Zenit", İngiltərənin "Çelsi" və "Tottenhem" komandalarının baş məşqçisi olub. Bir müddət əvvəl Çinin "Şanxay Şanqan” klubundan ayrılan mütəxəssis hazırda işsizdir.
ŞƏRH YAZ
DİGƏR XƏBƏRLƏR
