Tank yandı: 15 hərbçi yaralanıb

ABŞ-ın Kaliforniya ştatında keçirilən təlimlər zamanı dəniz piyadaları korpusunun 15 hərbçisi yaralanıb. Hadisə hərbi bazada amfibiya tipli tankın naməlum səbəblərdən yanması nəticəsində baş verib. Avtosfer.az "Report"a istinadən xəbər verir ki, xəstəxanaya yerləşdirilən 15 dəniz piyadasının vəziyyəti barədə məlumat yoxdur. Döyüş hazırlığı tədbiri dəniz piyadalarının San-Diyeqodan şimalda yerləşən Kemp-Pendltondakı bazada keçirilib. Baza komandanlığı hadisənin səbəblərini araşdırır.