Tankerin yanması nəticəsində ölənlərin sayı 152-yə çatdı

Pakistanın Pəncab əyalətində yanacaq daşıyan avtomobilin yanması nəticəsində ölənlərin sayı 152 nəfərə çatıb. Avtosfer.az-ın APA-ya istinadən verdiyi xəbərə görə, 110 nəfər xəsarət alaraq xəstəxanalara yerləşdirilib. Hadisə iyunun 25-i, səhər saatlarında yanacaq daşıyan yük maşının aşmasından sonra qeydə alınıb. Yerli sakinlər maşının çənindən yanacaq yığmaq istəyərkən güclü yanğın başlayıb. İnsident nəticəsində ətrafda onlarla avtomobil yanıb. İlkin ehtimala görə, yanğının baş verməsinə səbəb atılan siqaret kötüyü olub.