Taxta-şalban yola dağıldı; ağır qəzada 8 nəfər öldü, çoxlu yaralı var - VİDEO

Səkkiz nəfərin öldüyü və çox sayda yaralının olduğu yol qəzası Türkiyənin Çanaqqala şəhərində baş verib. Avtosfer.az xəbər verir ki, mayın 10-da saat 13:00 radələrində Ezine-Çanaqqala avtomobil yolunun Anıtyağ ərazisindən keçən hissəsində Oktay Batırın idarə etdiyi 33-ANK-274 dövlət nömrə nişanlı yük maşını idarəetmədən çıxaraq qarşı zolağa keçib və aşıb. Nəticədə yük yerində olan taxta-şalban yola tökülüb. Bu arada İstanbuldan İzmirə 22 sərnişin və 3 personalla hərəkət edən “Truva Turizm” şirkətinə məxsus 17-AHT-624 dövlət nömrə nişanlı sərnişin avtobusu və əks istiqamətdən gələn 34-DCJ-400 dövlət nömrə nişanlı avtomobil yola dağılan şalbanlara çırpılıb. Zərbənin təsirindən avtobus idarəetmədən çıxaraq kanala aşıb.

Qəza nəticəsində 8 nəfər ölüb, 24 nəfər isə müxtəlif dərəcəli bədən xəsarətləri ilə xəstəxanaya aparılıblar. Yaralılardan 15-i xəstəxanadan buraxılıb, 6 nəfərin müalicəsi isə davam etdirilir.

Sözügedən hadisənin görüntülərini təqdim edirik:

Namiq Musayev