Təcili tibbi yardım maşını qəzaya düşüb - Gəncədə

Tovuzdan Gəncəyə yaralı aparan təcili tibbi yardım avtomobil qəzaya uğrayıb. APA-nın verdiyi məlumata görə, hadisə Yeni Gəncə qəsəbəsi ərazisində qeydə alınıb. Ötən gecə Tovuzda avtomobillə vurulan Şəmkir rayon sakini, 1996-cı il təvəllüdlü Sadıqov Hikmət Rəfail oğlu Gəncədə olan özəl klinikaların birinə aparılarkən avtomobil yolda başqa bir maşınla toqquşub. Qəza zamanı başqa xəsarət alan olmayıb. H.Sadıqov başqa bir təcili tibbi avtomobillə xəstəxanaya çatdırılıb.

Faktla bağlı araşdırma aparılır.