Təcili tibbi yardım maşınının iştirakı ilə qəza baş verib - Gəncədə

Gəncədə iki avtomobilin toqquşması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə şəhərin İsmət Qayıbov küçəsində qeydə alınıb. Belə ki, “VAZ-21015” markalı avtomobillə “Mercedes-Benz” markalı təcili tibbi yardım maşını toqquşub. Qəza zamanı xəsarət alan olmayıb. Buna baxmayaraq, maşınlara ciddi ziyan dəyib. Faktla bağlı araşdırma aparılır.