Tələbə qız ağır yaralandı - Bakıda

Bakıda universitet tələbəsi yeraltı piyada keçidində yıxılaraq ağır xəsarət alıb. Avtosfer.az "Report"-a istinadən bildirir ki, hadisə Yasamal rayonunda baş verib.

Belə ki, Azərbaycan Universitetinin üçüncü kurs tələbəsi, 19 yaşlı Əhmədova Şəbnəm Telman qızı dərsdən evə gedən zaman Şəmsi Bədəlbəyli küçəsindəki yeraltı piyada keçidindən istifadə edib. Yağışlı hava şəraiti olduğundan o, pilləkənlərdən sürüşərək aşağıya yıxılıb.

Nəticədə Ş.Əhmədova kəllə-beyin və bədən xəsarətləri alıb. Xəstəxanaya yerləşdirilən Ş.Əhmədovanın vəziyyəti orta-ağırdır.

Faktla bağlı araşdırma aparılır.