Təyyarə Bakıda məcburi eniş etdi - YENİLƏNİB

10:41

Bakının Heydər Əliyev beynəlxalq hava limanına məcburi eniş etmiş Air İndia aviaşirkətinə məxsus təyyarə bazar ertəsi səhər Mumbaya uçub. Avtosfer.az xəbər verir ki, bu barədə trend-ə "Azərbaycan Hava Yolları" QSC-dən bildiriblər. London-Mumbay marşrutu üzrə uçan, göyərtəsində 229 sərnişin olan Boeing Dreamliner (B787-800) təyyarəsi sərnişinlərdən birinin halı pisləşdiyindən məcburi eniş etmişdi.

-----------

10:09

Londondan Hindistanın Mumbai şəhərinə uçan təyyarə Heydər Əliyev adına Hava limanına təcili eniş edib. Avtosfer.az xəbər verir ki, bu barədə apa-ya istinadən bildirir ki, hadisə ötən gün baş verib. Buna səbəb göyərtədə olan sərnişinlərdən birinin səhhətinin pisləşməsi olub. Sərnişinə təcili tibbi yardım göstərilib.

Qeyd edək ki, "Air İndia"ya məxsus "Aİ 130" tipli təyyarədə 229 nəfər sərnişin olub. Təyyarə ötən gün saat 19:00-da Londonun Hitrou hava limanından yola düşüb. Bu səhər saat 04:00-da isə Mumbainin Çatrapati beynəlxalq hava limanına enməsi planlaşdırılıb.

Məcburi enişlə əlaqədar təyyarənin bu gün saat 13:00-da Mumbaiyə çatması gözlənilir.