Təyyarə məcburi eniş etdi -  Noutbuka görə

ABŞ-da Nyu Yorkdan San-Fransiskoya uçan sərnişin təyyarəsi Miçiqan ştatında təcili eniş edib. Avtosfer.az-ın lent.az-a istinadən verdiyi məlumata görə, səbəb sərnişinlərdən birinə məxsus noutbukun yanmasıdır. Hadisə zamanı heç kim xəsarət almayıb və təyyarəyə zərər dəyməyib. Hava gəmisi yerə endikdən sonra yanğın xidməti yanan noutbuku götürüb. 3 saat sonra təyyarə yoluna davam edib.   Xatırladaq ki, ABŞ və Avropa İttifaqı ölkələri Avropadan ABŞ-a gedən reyslərdə təyyarənin salonuna noutbuk, planşet keçirilməsinə qadağa qoyub.