Təyyarə qəzası: 4 ölü, 11 yaralı

Rusiyanın Nene Muxtar Dairəsinin mərkəzi Naryan-Mare şəhərində “An-2” yüngül mühərrikli təyyarənin qəzaya düşməsi nəticəsində biri uşaq olmaqla 4 nəfər ölüb, 11 nəfər xəsarət alıb. Avtosfer.az “Report”a istinadən xəbər verir ki, bu barədə Rusiya Fövqəladə Hallar Nazirliyinin Mətbuat xidməti məlumat yayıb. Qəza təyyarə havaya qalxarkən baş verib. “An-2”nin göyərtəsində 13 sərnişin və iki pilot olub. Xəsarət alanlar xəstəxanaya yerləşdiriliblər. Qəzanın səbəbi araşdırılır.