Təyyarə qəzaya uğradı

Honq Konqda yüngülmotorlu təyyarə qəzaya uğrayıb. Trend-in məlumatına görə, bu barədə polisin məlumatına istinadən "South China Morning Post" qəzeti xəbər verib. İnsident yerli vaxtla 11:17-də sahil Manşan rayonunda baş verib. Məlumata görə, təyyarə qolf meydançası yaxınlığında ağacların üstünə düşüb. Polisin verdiyi son məlumata görə, təyyarədə 2 nəfər olub və onlar xəsarət almayıb. Hazırda qəzanın baş vermə səbəbləri araşdırılır.