Təyyarə qəzaya uğradı: 5 ölü

Braziliyanın şimal-şərqində Amazonas ştatının Manausa şəhəri yaxınlığında kiçik təyyarə qəzaya uğrayıb. Avtosfer.az "Report"a istinadən xəbər verir ki, hava gəmisinin göyərtəsində 6 nəfər olub, onların 5-i ölüb.

Yeganə sağ qalan şəxs yanıq xəsarətləri ilə xəstəxanaya yerləşdirilib. Onun vəziyyəti son dərəcə ağırdır. Ölənlər arasında 4 yaşlı uşaq da var. Manausa şəhərindən Novu-Aripuanan bələdiyyəsinə gedən təyyarə havaya qalxdıqdan bir az sonra yerə düşüb. Yanğınsöndürənlərin məlumatına görə, təyyarə yerə dəydikdən sonra partlayıb.

İnsidentin səbəbləri araşdırılır.