Təyyarə qəzaya uğradı - Pilot ölüb

Kanadanın Manitoba əyalətinin meşə zonasında kiçik mühərrikli hava gəmisinin qəzaya uğraması nəticəsində pilot həyatını itirib. Avtosfer.az "Report"a istinadən xəbər verir ki, "Piper" şirkətinə məxsus təyyarənin sükanı arxasında 60 yaşlı pilot olub. O, Manitoba əyalətinin şimal hissəsində yerləşən Gillam şəhərindən cənubdakı Arqayl yaşayış məntəqəsi istiqamətində uçub. Göyərtədə pilotdan başqa heç kim olmayıb. Uçuş zamanı təyyarə ilə əlaqə kəsilib. Hava gəmisinin qalıqları Bolder şəhər aeroportu yaxınlığındakı meşəlik ərazidən tapılıb. Kanadanın Nəqliyyat Təhlükəsizliyi İdarəsi araşdırmalara başlayıb.