Təyyarə qəzaya uğrayıb

Meksikada təyyarə qəzaya uğrayıb. Avtosfer.az "Report"a istinadən xəbər verir ki, hadisə Kintana Roo ştatında baş verib. İlkin məlumata görə, qəzaya uğramış kiçik "Cessna 207" təyyarəsinin göyərtəsində 5 nəfər olub. Onlardan 4-ü Böyük Britaniyadan olan turistlər, 1-i isə pilot imiş. Təyyarə Playi-del-Karmendən Çiçen-İça arxeoloji zonasına doğru uçub və ekvatorial meşədə yerə düşüb. Göyərtədəkilərin hamısı sağ qalsalar da, müxtəlif xəsarətlər alıblar. Hadisə yerində xilasedicilər və yanğınsöndürənlər işləyir.