Tibb helikopteri qəzaya uğradı - 3 ölü

ABŞ-ın Arkanzas ştatında təcili yardım helikopteri qəzaya uğrayıb. Avtosfer.az-ın Trend-ə istinadən məlumatına görə, qəza nəticəsində 3 nəfərin həlak olduğu bildirilir. Məlumata görə, yerə çırpıldıqdan sonra helikopter yanmağa başlayıb. Bu barədə polisə yerli sakinlər məlumat verib. Qeyd olunur ki, helikopterin göyərtəsində pilotla yanaşı iki tibb işçisi olub.