Tikinti kranı qatarın üzərinə düşdü - 29 ölü - FOTO - YENİLƏNİB

Tailandda tikinti kranının sərnişin qatarının üzərinə düşməsi nəticəsində həlak olanların sayı 29-a çatıb.

Avtosfer.az xarici KİV-ə istinadən xəbər verir ki, yaralananların sayı 67-yə çatıb.

***

Tailandın Nakhon Ratçasima əyalətində ağır dəmir yolu qəzası baş verib. Tikinti kranı Banqkokdan gələn sərnişin qatarının üzərinə aşıb.

Avtosfer.az-ın xarici KİV-ə istinadən yaydığı məlumata görə, hadisə nəticəsində 22 nəfər həyatını itirib, 55 nəfər isə müxtəlif dərəcəli bədən xəsarətləri alıb.

Bildirilir ki, qatarın tərkibində 190 sərnişin olub. Qatarın üzərinə düşən metal konstruksiyalar sürətli qatar xətləri üçün aparılan tikinti işlərində istifadə edilirmiş. Qatar keçən zaman konstruksiyalar qəfil çökərək ikinci və üçüncü vaqonların üzərinə düşüb. Güclü zərbə nəticəsində qatar relsdən çıxıb.

Hazırda hadisə yerində xilasetmə qrupları fəaliyyət göstərir, sağ qalan sərnişinlərin vaqonlardan çıxarılması istiqamətində işlər davam etdirilir.