Tovuzda bəy qəzaya düşdü - Yaralananlar var

Tovuzda bəyin qəza törətməsi nəticəsində xəsarət alanların adları məlum olub.

Bu barədə Avtosfer.az-a Daxili İşlər Nazirliyinin (DİN) Mətbuat xidmətinin Gəncə regional qrupunun baş inspektoru Eşqin Qasımov məlumat verib.

Onun sözlərinə görə, xəsarət alanlar rayonun Düz Qırıxlı kənd sakinləri 2000-ci il təvəllüdlü Şahlar Namazlı və 2001-ci il təvəllüdlü Natiq Qurbanovdur.

***

21:34
Tovuzda yol-nəqliyyat hadisəsi baş verib.

Avtosfer.az unikal-a istinadən xəbər verir ki, hadisə axşam saatlarında rayonun Alakol kəndində baş verib.

Belə ki, toyu olan bəy idarə etdiyi "Chevrolet Cruze"la hərəkətdə olan zaman maşın yoldan çıxaraq ağaca çırpılıb.

Qəza zamanı bəy, 2000-ci il təvəllüdlü E.Huseynov və avtomobildə olan daha iki nəfər xəsarət alaraq xəstəxanaya yerləşdirilib.