Tovuzda “Mercedes” divara çırpıldı: 3 yaralı

Tovuzda yol-nəqliyyat hadisəsi baş verib. APA-nın verdiyi məlumata görə, hadisə Tovuz şəhərində qeydə alınıb. “Mercedes” markalı avtomobilin idarəetmədən çıxaraq yolun kənarındakı divara çırpılması nəticəsində 3 nəfər, Əlibəyli kənd sakini 1953-cü il təvəllüdlü Nazxanım Mehralıyeva, Hacallı kənd sakinləri 1966-cı il təvəllüdlü Sehran Tağıyeva və 1967-ci il təvəllüdlü Tamam Quliyeva müxtəlif bədən xəsarətləri alaraq Tovuz Mərkəzi rayon xəstəxanasına yerləşdiriliblər. Onlara tibbi yardım göstərilib, vəziyyətlərinin normal olduğu bildirilir.

Faktla bağlı Tovuz rayon Polis Şöbəsində araşdırma aparılır.