Toya gedənlər qəzaya düşdülər - Çox sayda yaralı var - FOTO

Gəncədə avtomobillər toqquşub, xəsarət alanlar var. Avtosfer.az xəbər verir ki, hadisə şəhərin Gülüstan qəsəbəsində, şadlıq saraylarından birinin yaxınlığında qeydə alınıb. "Mercedes" və "Chevrolet" markalı avtomobillərin toqquşması nəticəsində 1996-cı il təvəllüdlü A.Həsənova, 1990-cı il təvəllüdlü G.Hüseynova, 1986-cı il təvəllüdlü Z.Həsənov və daha 2 nəfər müxtəlif nərəcəli bədən xəsarətləri alıb. Zərərçəkənlər xəstəxanaya yerləşdirilib. Faktla bağlı araşdırma aparılır.

Məlumata görə, qəzaya düşənlər toya gedirmişlər.

***

Gəncədə baş verən yol-nəqliyyat hadisəsi zamanı xəsarət alanların vəziyyəti açıqlanıb. Bu barədə Tibbi Ərazi Bölmələrini İdarəetmə Birliyindən məlumat verilib. "Avqustun 26-sı saat 17:40-da 5 nəfər (3 qadın, 2 kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxanaya hospitalizasiya olunub. Müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda müalicələri müvafiq şöbədə davam etdirilir, vəziyyətləri stabildir", - deyə məlumatda qeyd olunub.