Toya gedənləri aparan avtobus aşdı: 26 nəfər xəsarət alıb - FOTO

Türkiyənin Dənizli bölgəsində sərnişin avtobusunun aşması nəticəsində 26 nəfər xəsarət alıb.

Avtosfer.az xəbər verir ki, hadisə avqustun 26-da Pamukkale rayonunun Cankurtaran istiqamətindən keçən hissəsində qeydə alınıb.

Məlumata görə, İzmirə toya gedənləri aparan sərnişin avtobusu, sürücünün idarəetməni itirməsi səbəbindən aşıb.    

Ətrafdakıların çağırışı ilə hadisə yerinə təcili tibbi yardım, polis və xilasetmə briqadasının əməkdaşları gəlib. Yaralılar ambulanslarla rayon xəstəxanalarına aparılıblar. Onlardan birinin vəziyyətinin ağır olduğu bildirilir.   

Polis qəza ilə bağlı araşdırma aparır.

Namiq Musayev