"Toyota" ilə "VAZ" toqquşdu, yaralanan var

Gəncədə qəza baş verib bir nəfər yaralanıb.

Avtosfer.az kəpəztv-yə istinadən xəbər verir ki, hadisə şəhərin hava limanına gedən yolda baş verib. Şəmkir rayon Seyfəli kənd sakini 30 yaşlı Arif Məmmədovun idarə etdiyi "Toyota Prado" markalı avtomobillə hərəkətdə olarakən "VAZ 2107" markalı avtomobillə toqquşub.

Zərbənin gücündən "Toyota Prado" yol kənarındakı beton səkiyə çırpılıb və sürücü yaralanıb.

Yaralı dərhal Gəncə şəhər Təcili Tibbi Yardım Xəstəxanasına gətirilib. Həkimlərin müayinəsi zamanı Arif Məmmədova qapalı kəllə beyin diaqnozu qoyulub, vəziyyəti orta ağır olduğundan reanimasiya şöbəsinə yerləşdirilib.

Faktla bağlı araşdırma aparılır.