Traktor dərəyə yuvarlandı: sürücü ağır yaralanıb - Şirvanda

Şirvan şəhərində traktorun aşması nəticəsində sürücü ağır yaralanıb. Avtosfer.az apa-ya istinadən xəbər verir ki, traktor Kür çayı üzərindəki  körpüyə qalxan zamanı idarəetməni itirib və dərəyə yuvarlanıb. Nəticədə ağır yaralanan sürücü, Sabirabad rayonunun Qaratuğay kənd sakini 1976-cı il təvəllüdlü Əhmədov Şəmistan Valeh oğlu Şirvan şəhər Xəstəxanasına çatdırılıb və əməliyyata aparılıb. Faktla bağlı Şirvan şəhər Polis Şöbəsində araşdırma aparılır.