Tuneldə ağır yol qəzası: 2-si uşaq olmaqla 6 ölü

Gürcüstanda Rikoti tunelində ötən gecə baş vermiş avtomobil qəzasında 2-si uşaq olmaqla 6 nəfər ölüb. Avtosfer.az-ın APA-ya istinadən məlumatına əsasən, tuneldə yük maşını minik avtomobili ilə toqquşub. 5 nəfər hadisə yerində ölüb. Bir nəfər isə xəstəxanaya çatdırılsa da, bu gün səhər saatlarında dünyasını dəyişib. Gürcüstan Daxili İşlər Nazirliyindən yük maşınının sürücüsünün saxlanıldığı bildirilib. Faktla bağlı araşdırma aparılır.