Turist avtobusu qəza törətdi - 23 yaralı

Taylandda Pxuket adasında Patonq Biç rayonunda turistləri aparan avtobusun iştirakı ilə zəncirvari qəza baş verib. Avtosfer.az-ın Trend-ə istinadən məlumatına görə, yerli yol polisi idarəsi qəza nəticəsində 23 nəfərin yaralandığını bildirib. Məlumata görə, yaralılar arasında Çin və Yaponiyadan olan turistlər də var. Polis insidentlə bağlı bildirib ki, turistləri aparan avtobus idarəetməni itirərək yoldan çıxıb, maneəyə dəyərək aşıb. Qəzanın səbəbi kimi isə sürücünün ərazini və avtotrası yaxşı tanımamsı ehtimal edilir.