Turist avtobusu uçurumdan aşağı düşüb, 50 nəfər yaralanıb

Tunisin şimal-qərbində yerləşən Beca əyalətində turist avtobusunun uçurumdan aşağı düşməsi nəticəsində azı 50 nəfər xəsarət alıb. Avtosfer.az "Report"a istinadən xəbər verir ki, qəza zamanı ölən olmayıb və yaralılardan 10-nun vəziyyəti ağırdır. İçərisində 56 sərnişinin olduğu nəqliyyat vasitəsi Amdum rayonundan Ayn Drahma gedirmiş. Naməlum səbəblərdən avtobus yoldan çıxıb və təqribən 50 metr yüksəklikdən uçuruma yuvarlanıb.