Turist gəmisi aşıb, 34 nəfər ölüb - YENİLƏNİB

Vyetnamın Halonq körfəzində 48 turist və 5 ekipaj üzvünün olduğu "Wonder Sea" turizm gəmisi çevrilib. 

Avtosfer.az xəbər verir ki, bu barədə xarici KİV məlumat yayıb. 

Ən azı 34 nəfər ölüb, 11 nəfər xilas edilib. Xilasetmə əməliyyatları davam edir. Gəminin əlverişsiz hava şəraiti səbəbindən batdığı bildirilir. 

***20:24
Vyetnamın şimalındakı Halonq körfəzində turist gəmisinin qəzaya uğraması nəticəsində ölənlərin sayı 18-ə çatıb.

Bu barədə Avtosfer.az "Report"a istinadən xəbər verir.

Son məlumatlara görə, xilasedicilər 18 nəfərin cəsədini sudan çıxarıb, 12 nəfəri xilas etmək mümkün olub.

Bundan əvvəl VnExpress xəbər portalı göyərtəsində 53 nəfərin - 48 turist və 5 ekipaj üzvü olan səyahət gəmisinin Cənubi Çin dənizindəki Halonq körfəzində əlverişsiz hava şəraiti səbəbindən çevrildiyini bildirib.