Turistləri daşıyan avtobus qəzaya düşdü: ölən və yaralananlar var

Türkiyədə turist firmasına aid avtobusun qəzaya uğraması nəticəsində  5 nəfər ölüb, çoxlu sayda sərnişin yaralanıb.

Avtosfer.az “Report”a istinad xəbər verir ki, hadisə Sinop əyalətində Saraydüzü ilə Çorum arasında yerləşən Kargi rayonunda baş verib. 

Qəza yerinə polis, xilasedicilər və təcili tibbi yardım heyəti cəlb edilib.

İnformasiyaya əsasən, qəza baş verən əraziyə çoxlu qar yağıb. Bu isə xilasedicilərin hadisə yerinə çatmasına problemlər yaradıb. 

Qəzanın baş verməsinə səbəb olaraq, yolun buzlu olması göstərilib.