Turistləri daşıyan gəmi qəzaya uğradı; azı 3 nəfər ölüb

Kolumbiyada turistləri daşıyan gəminin qəzaya uğraması nəticəsində azı 3 nəfər ölüb. "Report"un məlumatına görə, bu barədə "Associated Press" xəbər verib. Xəbərdə bildirilir ki, qəza zamanı daha 30 nəfər itkin düşüb. 

Qeyd edək ki, Kolumbiyada içində 150 turistin olduğu gəmi qəzaya uğrayıb. Hadisə ölkənin şimal-qərbindəki Quatape şəhəri yaxınlığındakı su anbarında qeydə alınıb. 

Hazırda ərazidə axtarış-xilasetmə işləri aparılır.