Türkanda ağır qəza: Xəsarət alanlar var - VİDEO

Bakıda, Xəzər rayonunun Türkan qəsəbəsində ağır yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə ötən gün qəsəbə ərazisində qeydə alınıb.

Dönmə əməliyyatını düzgün etməyən sürücü digər nəqliyyat vasitəsinin qarşısına çıxıb.

Bakı Şəhər Dövlət Yol Polisi İdarəsinin (BŞDYPİ) bölmə rəisi, polis kapitanı Toğrul Nəsirli faktı təsdiqləyib.

O qeyd edib ki, hadisə ötən gün saat 13:30-da Türkan qəsəbəsində qeydə alınıb.

"Qəsəbə ərazisində hərəkətdə olan 10-SB- 970 dövlət nömrə nişanlı "Opel" markalı avtomobillə 23-BG-512 dövlət nömrə nişanlı VAZ-2106 markalı avtomobil toqquşub.

Baş vermiş yol-nəqliyyat hadisəsi nəticəsində ümumilikdə üç nəfər, VAZ-2106-nın sürücü və iki sərnişini xəsarət alıb.

Faktla bağlı araşdırma aparılır", - deyə T. Nəsirli bildirib.