Türkiyə Səfirliyinin yaxınlığında tixac yarandı

Səhər 08:40 radələrində Bakının Bakıxanov və Rəşid Behbudov küçələrinin kəsişməsində, Türkiyə Səfirliyinin yaxınlığında yol-nəqliyyat hadisəsi baş verib. Avtosfer.az-ın Trend-ə istinadən məlumatına görə, iki avtomobilin toqquşması nəticəsində hazırda həmin ərazidə avtomobillərin sıxlığı yaranıb. Hadisə yerinə yol polisi cəlb olunub. İlkin ehtimal olaraq qəzanın səbəbi avtomobillərin küçələrin kəsişməsində işıqforun yanma-sönmə əmrinə riayət etməməsi olub. Qəzada xəsarət alan olmayıb.