Türkiyə şirkəti təyyarə qəzasında zərər çəkənlərə yardım edəcək

Qırğızıstanda təyyarəsi qəzaya uğrayan Türkiyənin “ACT” Hava Yolları şirkəti hadisədən zərərçəkənlərin ailələrinə yardım edəcək. Avtosfer.az Oxu.az-a istinadən xəbər verir ki, məlumatı hökumətin mətbuat xidməti yayıb. Qırğızıstanın baş nazirinin müavini Muhammetkalı Abulqaziyev fevralın 1-də şirkətin nümayəndə heyətinin başçısı Celal Karabaşla görüşüb. Onlar qəza və ondan sonra yaranan vəziyyəti müzakirə ediblər. Yanvarın 16-da Türkiyənin "ACT" Hava Yolları şirkətinə məxsus “Boeing747”nin Bişkek yaxınlığındakı Daça SU qəsəbəsində yaşayış binasının üstünə uçması nəticəsində 4 ekipaj üzvü, 35 sakin ölmüş, 16 nəfər isə xəsarət almışdı.