Türkiyədə azərbaycanlı qız qəzada öldü

Dünən Türkiyədə baş verən yol qəzasında azərbaycanlı qız ölüb. Avtosfer.az qafqazinfo-ya istinadən xəbər verir ki, bu barədə qəzada dünyasını dəyişən 27 yaşlı Nərgiz Adıgözəlovanın yaxınları məlumat yayıb. 

Onlar bildiriblər ki, avtomobilin dərəyə aşması nəticəsində həmyerlimiz həlak olub. Qəzadan sağ qurtulan sürücü isə saxlanılıb.

Qeyd edək ki, Nərgiz Adıgözəlova təhsilini başa vurduqdan sonra Türkiyədə özəl şirkətlərdən birində satış direktoru olaraq işləyirdi. Ailəsi Nərgizin cənazəsini gətirmək üçün artıq Türkiyəyə yola düşüb.