Türkiyədə qəzaya uğramış avtobusun sərnişinləri Ukrayna vətəndaşları olub

Türkiyənin Muğla vilayətində qəzaya uğramış turist avtobusunun sərnişinləri Ukrayna vətəndaşları olub. Avtosfer.az-ın “sputnik”-ə istinadən verdiyi xəbərə görə, bu barədə Rusiyanın Ankaradakı səfirliyi məlumat yayıb. Səfirliyin mətbuat attaşesi İrina Kasimova bildirib: "Muğla qubernatorluğundan əldə etdiyimiz məlumata görə, avtobusdakılar Ukrayna vətəndaşları olub. Sərnişinlər arasında Rusiya vətəndaşı yoxdur". Xatırladaq ki, Muğla-Dənizli magistral yolunun Yayalasöyüt rayonu ərazisində baş vermiş qəzada 18 nəfər xəsarət alıb, onlardan ikisi Türkiyə vətəndaşlarıdır. Yaralılar dərhal xəstəxanaya yerləşdiriliblər. Məlumata görə, avtobusdakı turistlər Bodrumdan Denizli vilayətindəki Pamukkale bölgəsinə gedirlərmiş.