Türkiyədə sərnişin avtobusu yük maşınına çırpıldı: Ölənlərin və yaralananların sayı artdı - YENİLƏNİB - FOTO

Türkiyənin Konya şəhərində, Konya-Afyonkarahisar magistral yolunun İlgın rayonu yaxınlığında baş verən dəhşətli qəzada ölən və yaralananların sayı artıb.

Avtosfer.az-ın Türkiyə KİV-ə istinadən xəbərinə görə, bu barədə Konya valiliyindən məlumat verilib.

Məlumata görə, sərnişin avtobusunun park halındakı yük maşınına arxadan çırpılması nəticəsində üç nəfər ölüb, 33 nəfər yaralanıb.

***

Türkiyənin Konya şəhərinin İlgın rayonunda sərnişin avtobusu park halındakı yük maşınına, yük maşını da qarşısında dayanmış TIR-a çırpılıb.

Bu barədə Avtosfer.az "Haber Global"a istinadən xəbər verir.

Məlumata görə, qəza nəticəsində avtobusda olan 35 sərnişindən iki nəfər ölüb, 24 nəfər yaralanıb.

Hadisə yerinə polis, jandarm, sağlamlıq və xilasetmə qrupları cəlb edilib.