Türkiyədə zəncirvari qəza: 5 ölü, 5 yaralı

Türkiyənin Gaziantep vilayətində ağır yol qəzası baş verib. APA-nın “Anadolu” agentliyinə istinadən verdiyi xəbərə görə, hadisə Gaziantep-Şanlıurfa avtomagistralında qeydə alınıb. Məlumata əsasən, üç avtomobilin toqquşması nəticəsində 5 nəfər ölüb, daha 5-i xəsarət alıb. Yaralılar xəstəxanaya çatdırılıb. Onların vəziyyətləri barədə məlumat verilmir.

Hadisə yerində polis və xilasedicilər işləyir. Qəza səbəbindən hadisənin baş verdiyi yol bağlanıb.