Üç ay əvvəl yol qəzasına düşən şəxs ölüb

Qusar rayonunda üç ay əvvəl yol qəzasına düşən şəxs ölüb. Avtosfer.az Daxili İşlər Nazirliyinin (DİN) mətbuat xidmətinə istinadən xəbər verir ki, hadisə avqustun 22-də rayonun Avaran kəndi ərazisində baş verib. 

Belə ki, Quba rayon sakini Etibar Aslanov  idarə etdiyi "VAZ-21063" markalı avtomobillə yolu keçən Qusar rayonunun Avaran kənd sakini Əvəz Əzizovu vurub.

Hadisə zamanı ağır bədən xəsarətləri alan Ə.Əzizov noyabrın 13-də evində ölüb.

Faktla Baş Dövlət Yol Polisi İdarəsi tərəfindən araşdırma aparılır.