Üç gün yatmayan sürücü dairəvi yolda qəzaya düşdü - ANBAAN VİDEO

Yolda idarəetməni itirən sürücü qəzaya düşüb. Avtosfer.az xəbər verir ki, hadisə sentyabrın 14-də, paytaxtın kənar dairəvi yolunda baş verib.

Sürücü sükan arxasında yatdığı üçün idarəetməni itirib. Nəticədə avtomobil yolun sağındakı dəmir məhəccərlərə çırpılaraq qəzaya düşüb. Xoşbəxtlikdən ölən və xəsarət alanlar olmayıb.

Sürücü qəza anının videosunu sosial şəbəkə hesabında paylaşaraq 3 gündür yatmadığını bildirib. Belə bir hərəkətin riskli olduğunu anlayan sürücü digər insanlara səslənərək yorğun vəziyyətdə sükan arxasına keçməməyi tövsiyə edib.

Fərid