Ucarda ard-arda iki “Chevrolet” qəzaya düşdü - VİDEO

Ucar rayonunda qısa müddət ərzində ard-arda iki yol-nəqliyyat hadisəsi baş verib.

Avtosfer.az-ın məlumatına görə, qəzalar oktyabrın 26-da səhər saatlarında rayonun Küçəkənd kəndində qeydə alınıb.

Belə ki, əvvəlcə 77-PT-024 dövlət nömrə nişanlı “Chevrolet” markalı avtomobilin sürücüsü idarəetməni itirib. Nəticədə nəqliyyat vasitəsi beton maneəyə çırpılaraq aşıb.

Bir müddət sonra isə 88-BJ-057 dövlət nömrə nişanlı digər “Chevrolet” markalı avtomobil yoldan çıxaraq yol kənarına düşüb.

Hadisələr nəticəsində hər iki avtomobilə maddi ziyan dəyib.

Faktlarla bağlı araşdırma aparılır.

Nərmin