Ucarda iki “VAZ” toqquşdu, biri bordürə çıxdı - VİDEO

Ucar rayonunda yol-nəqliyyat hadisəsi baş verib.

Avtosfer.az-ın məlumatına görə, qəza fevralın 18-də səhər saatlarında Yuxarı Şilyam kəndində qeydə alınıb.

Belə ki, hərəkətdə olan “VAZ-21099” markalı avtomobil, “VAZ-2107” maşınla toqquşub. İlkin məlumata görə, qəzaya manevr qaydalarının pozulması səbəb olub.

Zərbənin təsirindən “VAZ-2107” bordürə çıxıb.

Hadisə nəticəsində avtomobillərə maddi ziyan dəyib. Xoşbəxtlikdən xəsarət alan olmayıb.

Faktla bağlı araşdırma aparılır.

Nərmin